बिजखबर संवाददाता
२२ चैत,काठमाडौं । महाकाली सेती यातायात व्यवसायी समितिले आगामी असारदेखि दार्चुला–काठमाडौं बस सेवा शुरु गर्ने भएको छ ।
सेवाग्राहीको मागलाई ध्यानमा राखेर दार्चुला–काठमाडौँका लागि आठ ओटा बस सञ्चालनमा ल्याइने समितिका अध्यक्ष नवीन भट्टले जानकारी दिए । काठमाडौँका लागि बस सञ्चालन गर्न शनिबारदेखि व्यवसायीको आवेदन लिइएको भट्टले जानकारी दिए ।
समितिले भीमदत्तनगर–दिल्ली वातानुकूलित बस सञ्चालनका लागिसमेत प्रक्रिया अगाडि बढाउने भएको छ ।
विसं २०३७ मा स्थापित सो यातायात समितिले हाल ३ सय ३७ बस र कञ्चनपुरदेखि विभिन्न स्थानका लागि ट्क्यासी सञ्चालन गरिरहेको छ ।
