काठमाडौैं । व्यवस्थापिका संसदको सार्वजनिक लेखा समितिले चिनीको खुद्रा मूल्य प्रतिकिलो ६३ रुपैयाँ निर्धारण गर्न सरकारलाई निर्देशन दिएको छ । बजारमा चिनीको मूल्य अनावश्यक रुपमा बढेसँगै समितिको बिहीबार बसेको बैठकले चिनीको खुद्रा बिक्रीे ६३ रूपैयाँ कायम गर्न सरकारलाई निर्देशन दिएको हो ।
केही समय सरकारले आयातित चिनीका कारण नेपाली चिनी उद्योग मर्कामा परेको भन्दै आयातमा कोटा तोक्दै बन्द गरेको थियो । तर, सरकारले चिनी आयात बन्द गरेसँगै व्यवसायीले कार्टेलिङ गर्दै मूल्य बढाएपछि लेखा समितिले सरकारलाई उक्त निर्देशन दिएको हो ।
उद्योगीहरुका चिनीको खुद्रा मूल्य प्रतिकेजी ६३ रुपैयाँ पर्दछ । तर अहिले बजारमा चिनीको मूल्य बढेर प्रतिकेजी ८५ रुपैयाँभन्दा बढी पुगेको छ । बजारमा कृत्रिम रुपमा मूल्य बढेसँगै त्यसको छानविन गर्न उपसमिति गठन गरेको छ । आज बसेको सार्वजनिक लेखा समितिको बैंठकले लेखराज भट्टको संयोजकत्वमा ५ सदस्सयीय छानविन उपसमिति गठन गरेको छ ।
उपसमितिलाई चिनीको मूल्य वृद्धिको विषयमा अध्ययन र छानविन गरी ७ दिनभित्र प्रतिवेदन बुझाउन निर्देशन दिएको छ ।
