काठमाडौं । नेपाल र चीन जोड्ने कोदारी राजमार्ग निर्माण तथा मर्मतमा तत्काल ध्यान दिन सरकारको ध्यानाकर्षण गरेको छ ।
प्रतिनिधिसभाको आजको बैठकमा बोल्दै सांसद अग्निप्रसाद सापकोटाले सो राजमार्गको मर्मत गर्न सरकारको ध्यानाकर्षण गराएको हो ।
गोरखा भूकम्पका कारण उक्त राजमार्ग लामो समयदेखि अवरुद्ध हुँदै आएकाले मर्मतमा ध्यान दिन र यातायात सञ्चालनमा सहज वातावरण बनाउन सरकारलाई आग्रह गरेका हुन ।
कोदारी राजमार्ग लामो समयदेखि अवरुद्ध हुँदा जनजीवन प्रभावित भएको र स्थानीयवासी सबैभन्दा बढी प्रभावित भएकामा सापकोटाले गुनासो गरेका हुन ।
उनले कोदारी राजमार्गको मर्मत सम्भारमा ध्यान दिन भौतिक पूर्वाधार तथा यातायात मन्त्रालयलाई आग्रह गरेका छन ।
