काठमाडौं । एक महिना अघि देखि रोकिएको सवारी लाईसेन्स आवेदन फारम आजदेखि खुलेको छ । यातायात व्यवस्था विभागले १ महिना अघि कार्यालयको हिसाव किताव तथा मीलान गर्न भनि रोकेको सवारी लाईसेन्स आवेदन आजदेखि खुलेको हो ।

आजैदेखि नेपालभरीका यातायात कार्यालयहरुबाट यातायात लाईसेन्सको फारम भर्न मिल्ने यातायात व्यवस्था विभागका निर्देशक तुल्सीराम अर्यालले जानकारी दिए ।
केही दिन अघिसम्म लाहान, विरगंज बागलुङबाट आवेदन दिन नपाइने भनिएपनि अव उक्त स्थानहरुबाट पनि सवारी लाईसेन्स आवेदन भर्न पाईने भएको पनि उनले बताए ।
सवारी लाईसेन्स आवेदकहरुले अनलाईनमार्फत देशका हरेक यातायात कार्यलायबाट सवारी लाईसेन्सको आवेदन भर्न पाउने भएका छन ।
विभागले आफ्नो हिसाव किताव तथा मिलान मिलाउन भनि असारभरी लाईसेन्स आवेदन दर्तामा रोक लगाएको थियो ।