काठमाडौं । भक्तपुर भएर बग्ने हनुमन्ते नदीको सरसफाई कार्यक्रममा बोल्दै प्रतिनिधिसभा सदस्य महेश बस्नेतले खोला मिचेर बनाइएका संरचना र व्यक्तिको नाममा गरिएका खोला अब सार्वजनिक जग्गाका रुपमा फर्काइने बताएका छन ।
खोला मिच्ने प्रवृत्तिले हनुमन्तेमा बाढी आएको बताउँदै विगतमा पदको दुरुपयोग गरेर खोलाको जग्गा व्यक्तिको नाममा गरिएको पाइएकाले अब त्यस्ता जग्गालाई साविक अनुसार सार्वजनिक रुपमा नै फर्काइने बस्नेतले जानकारी दिएका हुन ।
हनुमन्तेको बाढी बस्तीमा पस्नबाट रोक्न हनुमन्ते करिडोर निर्माण, हनुमन्तेलाई पानीको बहाव क्षेत्र ८ मिटरको फराकिलो बनाइने र खोलाको दायाँबायाँ डिलमा पर्खाल लगाउने बस्नेतले जानकारी दिएका हुन ।
सरसफाई कार्यक्रममा मध्यपुरथिमिको डुबान क्षेत्र र अरनिको राजमार्ग खण्ड अन्तरर्गत एसएस चोकदेखि चारदोबाटो चोकसम्म सरसफाइ गरी फोहोर संकलन गरिएको छ ।
सूर्यविनायक नगरपालिका र प्रतिनिधिसभा सदस्य महेश बस्नेतको पहलमा भएको हनुमन्ते सफाइ अभियानकै अभियन्ता टोलीले गत असार २७ र २८ गते आएको बाढीले डुबान क्षेत्रमा ल्याएर थुपारेको फोहोर र अन्य फोहोर सफाइ गरेको थियो ।
उक्त सफाई अभियानले २० टन फोहोर संकलन गरिएको छ ।
