बिजखबर संवाददाता
५ चैत,काठमाडौं । अख्तियार दुरुपयोग अनुसन्धान आयोगले प्रहरी प्रधान कार्यालय अन्तर्गत कार्यरत प्रहरी सहायक निरीक्षक कर्णबहादुर खड्का विरुद्ध विशेष अदालतमा मुद्दा दायर गरेको छ । बढुवा प्रयोजनका लागि पेस गरेको शैक्षिक योग्यताको प्रमाणपत्र नक्कली भएको भन्दै अख्तियारले मुद्दा दायर गरेको हो ।
विहार ईन्टरमिडियट एजुकेशन काउन्सिल पटना भारतबाट सन् १९९७ मा इन्टरमिडियट पास गरेको भनिएको सो प्रमाणपत्र नक्कली भएको अख्तियारले जानकारी दिएको छ ।
उनीविरुद्ध भ्रष्टाचार निवारण ऐन २०१७ को खफा र २९ तथा प्रचलित भ्रष्टाचार निवारण ऐन २०५९ को दफा १६ बमोजिम कारवाही गर्न माग गरेको छ ।
