काठमाडौं । शुक्रबार बालाजु क्षेत्रमा बिजुली नआउने भएको छ । सडक विस्तारका लागि बालाजु क्षेत्रमा बिहान ७ बजेदेखि बेलुका ५ बजेसम्म विद्युत आपूर्ति बन्द गर्नुपर्ने भएकाले उक्त क्षेत्रमा बिजुली नआउने भएको हो ।
नेपाल विद्युत प्राधिकरण बालाजु वितरण केन्द्रकाअनुसार,बनस्थली चौकदेखी बालाजु प्रहरी चौकीसम्म सडक विस्तारका लागि बालाजु सवस्टेशन अन्तर्गतका फिडरबाट आपूर्ति भइरहेका क्षेत्रमा विद्युत आपूर्ति बन्द हुने छ ।
बालाजु–नागार्जुन फिडर अन्तर्गत एमटीसी पर्खाल, जनजागृती, रोटरी क्लब, टौडोल, शितला स्कुल, रानीवन, बुद्धचोक, राधाकृष्ण हुदैँ एकलटार क्षेत्रमा विद्युत आपूर्ति बन्द हुने केन्द्र प्रमुख सुरज रेग्मीले जानकारी दिए ।
यसैगरी, बालाजु — धर्मस्थली अन्तर्गत पुरानो गुहेश्वरी, फुलबारी गेट, मुड्खु, बतासे डाँडा, धितालथोक, तिनपिप्ले, जरंखु, नेपालटार, मनमैजु, फुटुङ, जितपुर हुँदै छत्रेदेउरालीमा पनि विद्युत आपूर्ति बन्द हुने छ ।
