काठमाडौं । यातायात व्यवसायीले आफु अन्तरगतका सवारी साधनहरु नचलाएपछि काठमाडौं लगायत नेपालभरको जनजिवन कष्टकर भएको छ । तर, काठमाडौं उपत्यकामा भने सार्वजनिक सवारी साधनहरु नचले पनि ट्राफिक व्यवस्थापनमा अझै बढि समस्या देखिएको छ । उपत्यकाका नयाँबानेश्वर, महाराजगंज, केशरमहल, माइतीघरलगायतका चोकमा साविककै जस्तो ट्राफीक जाम देखिएको ट्राफिक प्रहरी महाशाखाका प्रवक्ता उमेस रञ्जितकारले जानकारी दिए ।
उनले सार्वजनिक सवारी नचलेर प्राइभेट गाडिहरु तथा सवारीसाधनहरु पुर्ण रुपमा सञ्चालनमा आएकाले ट्राफिक व्यवस्थापनमा समस्या आएको जानकारी दिए । त्यसैगरी सवारी साधन नचलेसंगै कतिपय ट्याक्सी वालाले मनपरी रुपले भाडा असुलेको गुनासो बढेको छ । तर, प्रवक्ता रञ्जीतकारले सार्वजनिक यातायात नचलेको मौकामा ट्याक्सीवालाहरुले बढि भाडा लिएमा तुरुन्त १०३ मा फोन गर्नका लागि उनुरोध गरेका छन । कुनै ट्याक्सीवालाहरुले बढि रकम असुलेको पाइएमा हामीलाइ सम्पर्क गनुहोस हामी तत्काल कारबाहि गर्छाे,’ उनले भने ।
यातायात व्यवसायीले आफ्नो आन्दोलनका क्रममा शुक्रबार आफु मातहतका गाडीहरु ग्यारेजमा थन्क्याएका छन् । व्यवसायीहरुले आफ्ना माग पुरा नभए पुनः २७ गते अनिस्चितकालीन रुपमा गाडीहरु घर ग्यारेजमा थन्क्याउने चेतावनी दिदै आएका छन । यातायात व्यवसायीले आफ्ना मागको सुनवाइ नभएकाले आज सांकेतीक रुपमा सवारीसाधन बन्द गरेको यातायात व्यवसायी राष्ट्रिय महासंघका महासचिव सरोज सीटौलाले जानकारी दिए । अझै पनि सरकारले बार्तामा बोलाओस भनेर सांकेतिक बन्द र अनिश्चितकालीन बन्दको पनि समय अन्तर राखेको उनले बताए ।
