काठमाडौं । मन्त्रिपरिषद्को बैंठकले एकैदिन  दुई दर्जनभन्दा बढि  सचिवकोसरुवा गरेको छ । प्रधानमन्त्री केपी शर्मा ओलीको भारत भ्रमण अघि बिहीबार बसेको मन्त्रिपरिषद् बैंठकले सचिवहरुको सरुवा गरेको हो ।

प्रधानमन्त्री कार्यालय स्रोतका अनुसार महत्वपूर्ण मानिएको अर्थ मन्त्रालयमा राजन खलालाई ल्याइएको छ भने अर्थ सचिव शंकरप्रसाद अधिकारीलाई उपराष्ट्रपतिको कार्यालयमा सरुवा गरिएको छ । राजस्व सचिव शिसिरकुमार ढुङ्गानाको भने सरुवा गरिएको छैन ।

यसैगरी सरकारले गृह सचिवमा प्रेमकुमार राईलाई ल्याएको छ भने संचार सचिवमा महेन्द्रमान गुरुङलाई ल्याएको छ । सरकारले यस अघि अर्थ मन्त्रालयमा मात्र २ जना सचिव राख्दै आएकोमा अबका दिनमा थप ३ मन्त्रालयमा २÷२ जना सचिव राख्ने निर्णय गरेको छ । नयाँ संरचनासँगै सचिवको संख्यामा बढी भएसँगै थप ३ मन्त्रालयमा पनि २ जनाको दरले सचिव राख्ने निर्णय भएको उक्त स्रोतको भनाइ थियो ।

जस अनुसार अबमा दिनमा सरकारले अर्थ, उद्योग, बाणिज्य तथा आपूर्ति मन्त्रालय, उर्जा, जलस्रोत तथा सिंचाइ र शिक्षा, विज्ञान तथा प्रविधि मन्त्रायमा २/२ जना सचिव रहनेछन् ।