काठमाडौं । सरकारले केन्द्रमा रहेका कर्मचारीलाई स्थानीय तहमा पठाउने निर्णय गरेको छ । आज बेलुका बसेको मन्त्रिपरिषद् बैंठकले प्राविधिक र प्रशासनिक गरी ५७ हजार ३ सय ५४ कर्मचारीलाई स्थानीय तहमा पठाउने निर्णय गरेको संचार राज्यमन्त्री गोकुल बास्कोटाले जानकारी दिए ।
स्थानीय तहको अन्तरिम संगठन, संरचना तथा दरबन्दीको प्रस्ताव स्वीकृत गर्दै कर्मचारीलाई स्थानीय तहमा पठाउने निर्णय गरेको हो । बैंठकले जनसंख्याका आधारमा कर्मचारीको संख्या निर्धारण गरेको हो ।
हाल मन्त्रालयमा ३ हजार २ सय ६० दरबन्दी रहेकोमा त्यसलाई घटाउँदै २ हजार ६ सय ५४ मा झारिएको छ ।
सार्वजनिक विदा कटौती
मन्त्रिपरिषद्को आजै बसेको बैंठकले सार्वजनिक विदामा पनि व्यापक कटौती गरेको छ । बैंठकले २०७५ सालमा २२ वटा सरकारी विदा कटौती गर्ने निर्णय गरेको हो ।
विदा घटाउने निर्णसँगै अब २०७५ सालमा ८९ वटा मात्र सार्वजनिक दिा हुने भएको छ । जसमा सबै समुदायका लागि ६७ दिन र कुनै खास धर्म र सम्प्रदायका लागि हुने विदा २२ दिइने भएको छ । २०७४ सालमा यस्तो विदा १ सय ४ दिन रहेको थियो ।
