काठमाडौं । कैलाली क्षेत्र नं. १ का प्रतिनिधि सभा सदस्य रेशम चौधरीले आत्मसमर्पण गरेका छन् ।
फरार भनिएका प्रतिनिधि सभामा निर्वाचित सदस्य रेशम चौधरीले जिल्ला अदालत धनगढीमा आत्मसमर्पण गरेका हुन् ।
टीकापुरमा २०७२ भदौ २७ मा थरुहट आन्दोलनका क्रममा भएको घटनामा अभियुक्त चौधरीलाई दोषी देखाइएको थियो ।
घटनामा नेपाल प्रहरीका वरिष्ठ प्रहरी उपरीक्षक लक्ष्मण न्यौपानेसहित सात सुरक्षाकर्मी र एक बालकको ज्यान गएको थियो। त्यस घटना यता उनी फरार थिए ।
