बिजखबर संवाददाता
११ फागुन,काठमाडौं । अख्तियार दुरुपयोग अनुसन्धान आयोगले हुलाकी राजमार्ग आयोजनाका तत्कालिन योजना प्रमुख सहित ४ जना विरुद्ध विशेष अदालतमा मुद्दा दायर गरेको छ ।
हुलाकी राजमार्गको राप्ती नदीको पुलमा बेलिब्रिज बनाउँदा पर्याप्त प्राविधीक तयारी तथा गृहकार्य नगरेको भन्दै आयोजनाको कार्यालय नेपालगंजका तत्कालिन योजना प्रमुख मनोज श्रेष्ठलगायत अन्य ४ जनाविरुद्ध रिट दायर गरेको हो । उनीहरु विरुद्ध विभिन्न मितीमा निर्माण व्यवसायी नेपाल विल्डर्सलाई भुक्तानी दिएकोमा उक्त वेलिब्रिज भत्किदा सरकारको रु २५लाख ६५ हजार बराबरको सम्पत्ती नोक्सान गराएको आरोप लागेको छ ।
आरोपीलाई भ्रष्टाचार निवारण ऐन, २०५९ को दफा १७ अनुसार कारवाही गर्न माग गरिएको छ ।
