काठमाडौं । नेपाल स्टक एक्सचेञ्जमा आग्लागी भएको छ । राती साढे ९ बजेतिर आगलागि भएको हो ।
हाल आगलागी नियन्त्रणमा आएको तर के कति क्षति भयो भन्ने विषयमा एकिन जानकारी नभएको नेप्सेका प्रवक्ता मुरारी पराजुलीले जानकारी दिए ।
उनका अनुसार शुरुमा घरायसी सेयर कारोबार गर्ने कोठामा आगलागी भएको थियो । अहिले सो कोठालाई स्टोरको रुपमा प्रयोग गरिएको समेत उनले जानकारी दिए । ‘आगो नियन्त्रणमा आएपनि धुवाका कारण भित्र जान सकिएको छैन,’ उनले भने, ‘जसले गर्दा भित्र के कति क्षति भयो भन्ने जानकारीमा आउन सकेको छैन ।’
तर, आगलागीले नेप्सेको सिस्टममा भने असर नगरेको हुन सक्ने उनले जानकारी दिए ।
