काठमाडौं । पहिलो चरणमा निर्वाचन भएका अधिकांश स्थानमा मतगणना शुरु भएको छ । पहिलो चरणमा प्रतिनिधिसभा र प्रदेशसभा निर्वाचन सम्पन्न भएका ३२ जिल्लामध्ये अधिकांशमा आज साँझ पाँचबजेदेखि मतगणना शुरु भएको निर्वाचन आयोगले जानकारी दिएको छ ।
अहिले मुस्ताङ, मनाङ, बैतडी, ताप्लेजुङ, नुवाकोट र बाजुरालगायत जिल्लामा मतगणना कार्य शुरु भएको हो ।
३२ जिल्लामध्ये मनाङ्गमा सबैभन्दा कम ४ हजार ३३८ मतदाताले मतदान गरेका थिए । त्यहाँ कूल ५ हजार ८८१ मतदाता रहेका थिए । मनाङको अन्तिम परिणाम आजै रातिसम्म आइसक्ने अनुमान आयोगको छ ।
