बिजखबर संवाददाता

३ फागुन, काठमाडौं । व्यवस्थापिका संसदको अर्थ समितिले स्वीट्जरल्याण्डमा रहेको नेपालीहरुको रकमको तत्काल छानविन गर्न सरकारलाई निर्देशन दिएको छ । समिति आज बसेको बैठकले स्वीट्जरल्याण्डको एचएसबीपी बैंकमा रहेको नेपालीहरुका रकम तत्काल छानविन गर्न सरकारलाई निर्देश्न दिएको हो ।

एचएसबीपी बैंकमा ८ नेपालीले ५ करोड ४० लाख डलर रहेको भन्ने समाचार सार्वजानिक भएपछि अर्थ समितिले सो बारेमा बुभ्mन आइतबार अर्थमन्त्री डा. रामशरण महत, राष्ट्र बैंकका गभर्नर डा. युवराज खतिवडा र सम्पत्ति सुद्दिकरण अनुसन्धान विभागका महानिर्देशक केवल भण्डारीलाई समितिको बैठकमा बोलाएको थियो ।

अर्थमन्त्री विदेशमा रहेकाले समितिको बैठकमा उपस्थित नभए पनि अर्थसचिव सुमन प्रसाद शर्मा, गभर्नर खतिवडा र महानिर्देशक भण्डारी उपस्थित थिए ।

स्वीस बैंकमा नेपालीहरुको कालोधन भएको समाचार आइरहेका बेला सरकारले आफ्नो औपचारिक धारणा अहिलेसम्म सार्वजानिक नगरेको भन्दै यसबारे तत्काल सत्यतथ्य पत्ता लगाई सार्वजानिक गर्न निर्देशन दिएको छ ।
त्यसैगरी, समितिले स्वीजरल्याण्डलगायतका अन्य देशसँग पारस्पारिक कानूनी सहायताका लागि तत्काल प्रक्रिया थाल्न पनि सरकारलाई दिर्नेशन दिएको छ ।

त्यस्तै, विदेशमा पैसा जान रोकेर स्वदेशमै लगानी गर्ने वातावरण निर्माण गर्न र उद्योेग व्यवसाय सञ्चालन गर्न अजय सुमार्गीलगायतले नेपालमा ल्याएको पूँजी सम्बन्धित क्षेत्रमा खर्च भएको वा नभएको भन्ने तथ्यांक समिति समक्ष पेस गर्न उद्योग मन्त्रालयलाई निर्देशन दिएको छ ।