काठमाडौं । पाटक औद्योगिक क्षेत्रमा लागेको आगो झण्डै १७ घण्टा पछि नियन्त्रणमा आएको छ । मंगलबार साँझ साढे ६ बजेदेखि लागेको आगो विहान ११ बजेपछि मात्र नियन्त्रणमा आएको ललितपुर प्रहरीका प्रवक्ता नरेन्द्र चन्दले जानकारी दिए ।
हिजो साढे ६ बजे ओद्योगिक क्षेत्र भित्र रहेको आनन्द प्लाष्टिक उद्योगमा आगलागी भएको हो । सो उद्योगमा पर्खाल भएको कारण त्यहाँ भित्र रहेको अन्य उद्योगमा भने क्षति नपुगेको प्रहरीले जानकारी दिएको छ ।
सो उद्योगको आगो नियन्त्रणका लागि ललितपुर महानगरका साथै काठमाडौं, भक्तपुर र सुरक्षा निकायको दमकल प्रयोग गरिएको थियो । साथै ३ वटै सुरक्षा निकायलाई परिचालन गरिएको थियो ।
