बिजखबर संवाददाता
२८ माघ, काठमाडौं । सिम्रिक एयरलाइन्सले प्रणय दिवश(भ्यालेन्टाइन डे) मा विशेष पर्वतीय उडान गर्ने भएको छ । सिम्रिकले भ्यालेन्टाइन डेलाई लक्षित गर्दै हरेक बर्ष यस्तो उडान गर्दै आएको छ ।
जसमा प्रत्येक जोडीका लागि विशेष सहुलियत दरमा उडान गर्ने छ । काठमाडौंबाट हुने माउन्टेन उडानका लागि १५ हजार ९ सय ९९ रुपैयाँ तोकेको छ ।
त्यस्तै पोखरा माउन्टेन फ्लाइटका प्रत्येक जोडीको भाडा दर १० हजार ९ सय ९९ रुपैयाँ रहेको छ ।
साथै सो दिन माउन्टेन फ्लाइटका जोडीहरुलाई विशेष उपहार समेत प्रदान गरिने बताइएको छ ।
