काठमाडौ । सोमबार छुट्टाछुट्टै भएको सवारी दुर्घटनामा १५ जनाको मृत्यु भएको छ । बुटवलबाट गुल्मीको सदरमुकाम तम्घास जाँदै गरेको गरेको माइक्रो गुल्मीको बिरवासमा दुर्घटना हुँदा ८ जनाको मृत्यु भएको हो । त्यस्तै उद्दयपुरमा भएको सुमो दुर्घटनामा ९ जनाको मृत्यु भएको छ ।
सोमबार बिहान तम्घासका लागि छुटेको बा४ख ५५०१ नम्बरको माईक्रो गुल्मीदरबार गाउँपालिका४ मा दुर्घटना भएको हो । जिल्ला प्रहरी कार्यालय गुल्मीका अनुसार दुर्घटनामा ६ जना घाइते भएका छन् ।
बुटवलबाट १३ जना यात्रु लिएर गाडी तम्घासका लागि छुटेको थियो । दुर्घटनामा मृत्यु हुने र घाइतेहरुको सनाखत हुन नसकेको प्रहरीले जनाएको छ ।
त्यस्तै कटारीबाट ओखलढुंगा जाँदै गरेको ना १ ज ३४०४ नम्बरको सुमो उदयपुरको ठाँटीमा भीरबाट ३ सय मिटर तल खसेको हो । दुर्घटनामा ३ जना घाइते भएको उदयपुरजिल्ला प्रहरी कार्यालयले जनाएको छ ।
हाल प्रहरी र स्थानीय उद्दारकार्यमा खटिएका छन् ।
