बिजखबर संवाददाता
२८ माघ,काठमाडौं । संसार रेमिटले जापानबाट कारोवार सुरु गरेको छ । जापानबाट पठाएको रकम नेपालका विभिन्न बैंक तथा वित्तिय संस्थाहरुबाट भुक्तानी गर्न सकिने छ ।
गैरआवासीय नेपाली तथा नेपालका व्यसायीहरुको लगानी रहेको रेमिटले अमेरिका तथा विभिन्न खाडी मुलुकहरुमा समेत रेमिट्यान्स कारोवारको तयारी गरेको बताइएको छ ।
साथै रेमिटको आफ्नै भुक्तानी सञ्जालबाट पनि रकम लिन सकिने रेमिटले जानकारी दिएको छ ।
काठमाडौंको दरबारमार्गमा मुख्य कार्यालय रहेको रेमिटले स्पेन,इटाली र पोर्चुगलबाट यसअघि नै कारोवार सुरु गरिसकेको छ ।
