काठमाडौं । धादिङको गजुरी गाउँपालिका ५ बांगेमोडबाट त्रिशूली नदीमा बस खस्दा ११ जनाको मृत्यु भएको छ । दुर्घटनामा परि १३ जना घाइते भएका छन् ।
जिल्ला प्रशासन कार्यालय धादिङका अनुसार दुर्घटनास्थलमा दुई महिला र दुई पुरुषको शव भेटिएको छ । मृत्यु हुनेको सनाखत भने हुन सकेको छैन ।
घाइतेको स्थानीय गजुरी सामुदायीक अस्पतालमा उपचार भइरहेको छ ।
सप्तरीको राजविराजबाट काठमाडौं आउँदै गरेको ना ६ ख १४६७ नम्बरको बस शनिबार बिहान करिब ६ बजेतिर त्रिशुली नदीमा खसेको हो । नदीमा डुबेको बसलाई क्रेनको सहायताले बाहिर निकाल्ने प्रयास भइरहेको छ ।
