बिजखबर संवाददाता
१८ माघ काठमाडौं । संयुक्त विद्यार्थी युनियनले आइतवार एलपी ग्यासको कृत्रिम अभाव र सरकारी लाचारीपन नामक अन्तरक्रिया कार्यक्रम आयोजना गरेको छ । बबरमहलस्थित सडकमा आयोजना गरेको सो अन्तरक्रिया कार्यक्रममा विभिन्न पार्टी निकट विद्यार्थी संगठनका नेताहरुले सरकारलाई ग्यास सहज रुपमा उपलब्ध गराउन माग गरेका थिए ।
सो अवसरमा वाइसिएलका अध्यक्ष आरसी शर्माले वाणिज्य मन्त्रालय,आयाल निगम तथा ग्यास व्यवसायीहरुले ग्यास लुकाएर कमिसनको चक्करमा फसेको आरोप लगाए । ‘ग्यास कहाँकहाँ लुकाइएको छ र जनताबाट कति पैसा लुट्ने योजना भइरहेको बारे आफुलाई जानकारी भएको बताए ।
सो अवसरमा अर्थविद तथा पूर्व गर्भनर दिपेन्द्र बहादुर क्षेत्रीले संसदिय समितिले ग्यासको आपुर्ती सहज बनाउन निर्देशन दिएपनि कार्यान्वयन नभएको गुनासो गरे ।
त्यस्तै क्षमता नै नभएको संस्थालाई जिम्मेवारी दिँदा समस्या आइरहेको आरोप लगाए । ‘अधिकृत पूँजी १० करोड भएको संस्थालाई खवैंको कारोवारको जिम्मा दिएर सरकारले गल्ति गरेको छ ’ उनले भने । निगमले राम्रो मान्छेलाई हटाएर भ्रष्ट मान्छेलाई प्रमुख बनाएकोमा आक्रोस व्यक्त गरेका ।
सो अवसरमा नेकपा माओवादी निकट विद्यार्थी संगठनका अध्यक्ष सुरेश गौतम मधेशि लोकतान्त्रिक फोरमका विद्यार्थी नेता कपिलेश्वर यादव लगायतले ग्यासमा दोहोरो मूल्य कायम गर्न माग गरेका थिए । साथै उद्यागेीहरुले गराएको कृत्रिम ग्यास अभाव रोक्न दवाव दिएका थिए ।
