काठमाडौं । स्थानीय तहको दोस्रो चरणको निर्वाचनमा एमालेले आफ्नो अग्रता कायम नै राखेको छ । पछिल्लो मतपरिणाम अनुसार एमालेले १ सय ४ स्थानीय तहमा जीत हासिल गर्दै अग्र स्थानमा रहेको छ ।
एमालेलाई पच्छ्याउँदै नेपाली कांग्रेस दोस्रो स्थानमा रहेको छ । कांग्रेसले हालसम्म ९१ स्थानमा जीत हासिल गरेको छ । यसैगरी माओवादी केन्द्र हालसम्म ३१ स्थानीय तहमा बिजयी भएको छ । लामो समय २२ स्थानमा अड्किएको माओवादीले अहिले ३१ स्थानमा जीत हासिल गरेको छ ।
यसैगरी राष्ट्रिय जनमोर्चाले २ स्थानमा जीत हासिल पारेको छ । यसैगरी फोरम नयाँ शक्तिले ६ स्थानीय तहमा जीत हासिल गरेको छ । पछिल्लो मत परिणाम अनुसार राप्रपाले पनि खाता खोेलेको छ । हालसम्म राप्रपाले १ स्थानमा जीत हासिल गरेको छ भने फोरम लोकतान्त्रिकले ३ स्थानमा बिजयी भएको छ ।
हालसम्मको मतपरिणाम अनुसार मतमणना भइरहेको स्थानमा पनि एमालेनै रहेको छ । एमालेले ४५ स्थानमा अग्रता कायम राखेको छ । यसैगरी एमालेलाई पच्छ्उँदै नेपाली कांग्रेले ३८ स्थानमा अग्रता लिइरहेको छ । हालसम्मको अबस्थामा माओवादीले ७ स्थानमा मात्र अग्रता लिइरहेको छ ।
यसैगरी राष्ट्रिय प्रजातन्त्र पार्टीले २ स्थानमा अग्रता लिएको छ । नयाँ शक्ति फोरमले १, फोरम लोकतान्त्रिकले ३ र अन्य उम्मेदवारले ५ स्थानमा अग्रता कायम राखेका छन् ।
