काठमाडौ । निर्वाचन आयोगले दलहरुलाई चुनाव प्रचार प्रचारका क्रममा संयमता अपनाउन आग्रह गरेको छ । आयोगले सोमबार एक प्रेस विज्ञप्ति जारी गर्दै आग्रह गरेको हो ।
आइतबार उम्मेदवारी मनोनयन दर्ता गर्ने क्रममा बाजुरामा कांग्रेस र एमालेका कार्यकर्ताबीच झडप भएको थियो । सो झडपमा परेर हंसबहादुर राउतको मृत्यु भएको छ । त्यस्तै कपिलवस्तुको बाडगंगामा बम विष्फोट हुँदा १० जना घाइते भएकामा दुबै घटनाप्रति दुःख व्यक्त गरेको छ ।
आयोगले सामाजिक सद्भाव कायम राख्न र शान्तिपूर्ण रुपमा राजनीतिक गतिविधि सञ्चालन गर्न समेत आग्रह गरेको हो ।
