बिजखबर संवाददाता
१४ माघ, काठमाडौं । नेपाल प्रहरीका तत्कालिन प्रहरी नायव निरीक्षक जयन्द्र सङ्ग्रौलाले नक्कली शैक्षिक प्रमाणपत्र पेश गरेको फेला परेको छ । अख्तियार दुरुपयोग अनुसन्धान आयोगको गरेको अनुसन्धानमा शैक्षिक योग्यताका प्रमाणपत्र नक्कली भएको फेला परेको हो ।
सङ्ग्रौलाले नियुक्ती हुँदा विहार ईन्टरमिडियट शिक्षा परिषद, पटनाबाट सन् १९९३ मा प्रमाणपत्र तह उत्तिर्ण गरेको प्रमाणपत्र पेश गरेका थिए ।
उक्त प्रमाणपत्र झुटो देखिएकाले सङ्ग्रौलाल उपर साविक भ्रष्टाचार निवारण ऐन, २०१७ को दफा १२ र २९ तथा प्रचलित भ्रष्टाचार निवारण ऐन, २०५९ को दफा १६ (१) बमोजिम हदैसम्मको दण्ड सजायको माग सहित विशेष अदालत काठमाण्डौंमा मुद्दा दायर गरेको छ ।
