काठमाडौं । डीआइजी नवराज सिलवाल आफूलाई आइजीपी बनाउन माग गर्दै सर्वोच्च अदालतमा पुगेका छन् । सिलवालले मंगलबार बिहान रीट दर्ता गराएका हुन् । रीटमा सर्वोच्चले बुधबारका लागि पेशी तोकेको छ ।
सिलवालले दर्ता गरिएको रिट निवेदनमा अर्यालको नियुक्ति खारेज गरी आफूलाई आइजीपी बनाउन माग गरिएको छ ।
सरकारले सोमबार प्रकाश अर्याललाई आइजीपीमा नियुक्त गरेपछि डीआइजी सिलवाल रिट लिएर अदालत पुगेका हुन् । आफू ज्येष्ठ डीआइजी हुँदाहुँदै र सर्वोच्चले गरेको फैसलाविपरीत अनधिकृत एवं कीर्ते फाइल खडा गरेर अर्याललाई आइजीपी नियुक्त गरिएको सिलवालको रिट निवेदनमा उल्लेख छ ।