मोबाइलमा प्रयोग हुने सिमकार्डमा सुनको प्रयोग गरिएको हुन्छ । सिमकार्डको लामो समय प्रयोग गरिसकेपछि जब यो उपयोगविहिन हुन्छ, त्यतीबेला यसबाट सुन निकाल्न सकिन्छ । सिमकार्डबाट सुन निकाल्ने प्रविधि यस्तो छ ।
सुन निकाल्नका लागि सिमकार्डसहित, ग्याँस, फ्राइपेन(ताबा), पेण्ट गर्दा प्रयोग गरिने ब्रस, सिसाको जार, हाते पञ्जा, हाइड्रोक्लोरिक एसिड, नाइट्रिक एसिड, अमोनियम थायोसाइनेट, सोडियम मेटाबाइसल्फाइट, बोरेक्स पाउडर, स्टेनोअस क्लोराइड तयार गर्नुहोस ।
सबै सिमकार्डलाई फ्राइपेनमा राखेर ग्याँसमा तताउनुहोस । सिमकार्डमा रहेको प्लाष्टिक रुपमा जल्नेसमयसम्म तताउनुपर्छ । यसरी जलेर बाँकी रहेको बस्तुलाई केहि समय चिस्याउनुहोस । त्यस्ता बस्तुलाई एकै ठाउँ राखेर मसिनो बनाउनुहोस ।
त्यसलाई कुनै एउटा भाँडोमा खन्याउनुहोस र एकसय मिलि लिटर हाइड्रोक्लोरिक एसिड राख्नुहोस । यसलाई फेरी सामान्य रुपमा ताप दिनुहोस ।
ताप दिदैं जाँदा १.५ मिलि लिटर नाइट्रिक एसिड मिसाउनुहोस । यसलाई एक घण्टासम्म त्यसै राख्नुहोस । त्यसपछि ७५ मिलि लिटर हाइड्रोक्लोरिक एसिड र १.५ मिलि नाइट्रिक एसिड राख्नुहोस ।
यसरी राखिएको एसिडलाई राम्रोसँग घोल्नुहोस त्यतिबेलासम्म पहेलो रङ देखिनेछ । त्यसमै एक चम्चा सोडियम मेटाबाइसल्फाइट राखेर घोल्नुपर्छ । यो घोललाई छानेर कुनै भाँडोमा राख्नुहोस । भाँडोमा बोरेक्स पाउडर पनि राख्नुपर्छ ।
अब यसलाई त्यतीबेलासम्म तताउनुहोस जबसम्म त्यहाँ रहेको बस्तु समाप्त नहोस । बस्तु समाप्त भइसक्दा त्यहाँ सानो पहेंलो बस्तु देखापर्नेछ जुन् सुन हो । यसलाई पानीमा राखेर चिस्याउनुहोस ।
एजेन्सीको सहयोगमा
