काठमाडौं । नेपाली बजारमा शुक्रबार सुनको मूल्य एकैदिन प्रतितोला ३ हजार ९ सय रुपैयाँले घटेको छ । नेपाल सुनचाँदी व्यवसायी महासंघका अनुसार बिहीबार प्रतितोला १ लाख ८० हजार ३ सय रुपैयाँमा कारोबार भईरहेको सुनको मूल्य आज घट्दै प्रतितोला १ लाख ७६ हजार ४ सय रुपैयाँमा झरेको हो ।
यस्तै आज चाँदीको मूल्य १ सय २५ रुपैयाँले घटेको छ । महासंघका अनुसार बिहीबार प्रतितोला १ हजार ९ सय ९५ रुपैयाँमा कारोबार भईरहेको चाँदीको मूल्य आज घटेर प्रतितोला १ हजार ८ सय ७० रुपैयाँमामा झरेको हो ।
