काठमाडौं । नेपाल विद्युत प्राधिकरणका पदमुक्त कार्यकारी निर्देशक कुलमान घिसिङले पत्रकार सम्मेलन आयोजना गर्ने भएका छन् । कार्यकालको केहि अवधि बाँकी हुँदै उनलाई मन्त्रिपरिषदको निर्णयबमोजिम केहि दिनअघि प्राधिकरणबाट पदमुक्त गरिएको थियो ।
सरकारले नेपाल विद्युत प्राधिकरणको कार्यकारी निर्देशकबाट हटाएपछि घिसिङले नेपाल सरकार, उर्जामन्त्रालय र उर्जामन्त्री तथा नेपाल विद्युत प्राधिकरण सञ्चालक समिति र नवनियुक्त कार्यकारी निर्देशक हितेन्द्रदेव शाक्यलाई विपक्षी बनाउँदै केहिदिनअघि सर्वाेच्चमा रिट दायर गरेका थिए ।
उनको रिट निवेदनमा सुनुवाई गर्दै बिहीबार सर्वाेच्चले तत्कालै अन्तरिम आदेश दिन नसकिने र मुद्धामा भने अग्राधिकार आदेश दिएको छ । यससँगै उनलाई पुनः पदस्थापनाको बाटो रोकिएपछि उनले आजै १ बजेलाई पत्रकार सम्मेलन बोलाएका हुन् ।
