काठमाडौं । थाइल्याण्डको औपचारिक भ्रमणमा रहेका प्रधानमन्त्री केपी शर्मा ओली विभिन्न भेटघाट र छलफलमा व्यस्त छन् । सोही क्रममा आज बैंककमा थाइल्याण्डका वरिष्ठ व्यवसायीसँग प्रधानमन्त्रीको भेटवार्ता भएको छ ।
भेटका अवसरमा नेपाली व्यवसायी प्रतिनिधिमण्डलका सदस्यहरू पनि सहभागी थिए । सो क्रममा दुई पक्षीय व्यावसायिक हितका बारेमा छलफल भएको छ । प्रधानमन्त्री ओली र थाइल्याण्डका प्रधानमन्त्री पे थोङ थान शिनावातबीच हिजो भेटवार्ता भएको थियो ।
थाइल्याण्डको औपचारिक भ्रमण र बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिमस्टेक)को छैटौं शिखर सम्मेलनमा भाग लिने क्रममा मंगलबार ओली थाइल्याण्डको बैंकक पुगेका हुन् ।
