काठमाडौं । आज १ अप्रिल, भारतको नयाँ आर्थिक वर्ष २०२५–२६ को सुरुवात भएको छ । यससँगै आजदेखि भारतमा विभिन्न नियमहरू परिवर्तन हुँदैछन् । साथै, सरकारका धेरै घोषणाहरू आजदेखि लागू हुनेछन् । जसको प्रत्यक्ष असर आम जनतामा पर्नेछ ।
जसमध्ये आम जनताको जीवनमा प्रत्यक्ष प्रभाव पार्ने ठूला परिवर्तनहरूमध्ये एउटा नयाँ आयक र स्ल्याब हो । भारत सरकारले घोषणा गरेको नयाँ कर व्यवस्था आजदेखि लागू भएको छ । नयाँ कर स्ल्याब सरकारले फेब्रुअरीमा घोषणा गरेको साधारण बजेटमा घोषणा गरेको थियो ।
यस अन्तर्गत, १२.७५ लाख रुपैयाँ (२० लाख ४० हजार नेपाली रुपैयाँ) सम्मको वार्षिक आयमा कुनै कर लाग्ने छैन । यदि आम्दानी यो भन्दा बढी छ भनेमात्र कर तिर्नु पर्नेछ । यो नयाँ कर व्यवस्थासँगै पुरानो कर व्यवस्था पनि लागू रहनेछ । जसमा सर्वसाधारणले आफ्नो रोजाइ अनुसार दुई व्यवस्था मध्ये कुनै एक छनौट गर्न सक्नेछन् ।
