काठमाडौं । नेपाली बजारमा सुनको मूल्य हालसम्मकै उच्च विन्दुमा पुगेको छ । नेपाल सुनचाँदी व्यवसायी महासंघका अनुसार सोमबार आईतबारको तुलनामा प्रतितोला १ हजार १ सय रुपैयाँले बढ्दै सुन प्रतितोला १ लाख ७७ हजार ९ सय रुपैयाँ कायम भएको हो । यो हालसम्मकै उच्च मूल्य हो ।
यसअघी आईतबार सुन प्रतिताेला १ लाख ७६ हजार ८ सय रूपैयाँमा काराेबार भइरहेकाे थियाे ।
यस्तै आज चाँदीको मूल्य भने प्रतितोला १० रुपैयाँले बढेर २ हजार ३५ रुपैयाँ पुगेको छ । यसअघि आईतबार नेपाली बजारमा चाँदी प्रतितोला २ हजार २५ रुपैयाँमा कारोबार भईरहेको थियो ।
