काठमाडौं । नेपाली बजारमा आईतबार सुनको मूल्य प्रतितोला ६ सय रुपैयाँले बढेको छ । नेपाल सुनचाँदी व्यवसायी महासंघका अनुसार गत हप्ताको शुक्रबार प्रतितोला १ लाख ७६ हजार २ सय रुपैयाँमा कारोबार भईरहेको सुनको मूल्य आज प्रतितोला ६ सयले बढेर १ लाख ७६ हजार ८ सय रुपैयाँ कायम भएको हो । नेपाली बजारमा सुनको यो मुल्य हालसम्मकै उच्च हो ।

यस्तै आज चाँदीको मूल्य भने प्रतितोला १५ रुपैयाँले ओरालो लाग्दै २ हजार २५ रुपैयाँ कायम भएको छ । यसअघि गत शुक्रबार नेपाली बजारमा चाँदी प्रतितोला २ हजार ४० रुपैयाँमा कारोबार भईरहेको थियो ।