काठमाडौं । नेपाल उद्योग तथा व्यवसायी महासंघले तेस्रो राष्ट्रिय महाधिवेशनका लागि जिम्मेवारी बाँडफाँडसहित विभिन्न उपसमिति गठन गरेको छ । महासंघका संयोजक भागिरथ सापकोटाको अध्यक्षतामा र ईन्चार्ज रचना खड्काको प्रमुख आतिथ्यतामा बसेको सचिवालय बैठकले ५ वटा उपसमिति गठन गर्ने सहितका विभिन्न निर्णय गरेको हो ।

महासंघको सचिवालय बैठकले महासचिव बालकृष्ण सिवाकोटीको संयोजकत्वमा प्रतिनिधि व्यवस्थापन उपसमिति गठन गरेको छ । यो उपसमितिमा कार्यालय विभाग प्रमुख सुवर्ण श्रेष्ठ, निर्वाचन आयोग संयोजक टंक बहादुर राउत, सबै प्रदेश अध्यक्षहरु र सबै वस्तुगत संगठनका अध्यक्षहरु रहने महासंघका अध्यक्ष सापकोटाले जानकारी दिएका छन् ।

यस्तै, कोषाध्यक्ष डिम प्रसाद पौडेल ९प्रकाश०को संयोजकत्वमा आर्थिक व्यवस्थापन उपसमिति गठन गरिएको छ । शैलेन्द्र गुरांगाईं, खड्ग बहादुर ताम्लिीङ र सागर ढकाल यस उपसमितिको सदस्य तोकिएका छन् । संयोजकले आवश्यकताका आधारमा सिफारिस गरे सदस्य थप गर्न सकिने बताइएको छ ।

यस्तै प्रचार विभाग प्रमुख रामराजा श्रेष्ठको संयोजकत्वकम प्रचारप्रसार उपसमिति गठन गरिएको छ । यस उपसमितिमा पनि संयोजकको सिफारिसमा आवश्यक सदस्य थप गरिने छ । यसैगरी, कार्यालय विभाग प्रमुख सुवर्ण श्रेष्ठको संयोकत्वमा हल व्यवस्थापन उपसमिति पनि गठन गरिएको छ । यस उपसमितिमा मोतीराज ज्ञवाली, टंक बहादुर राउत र बालाराम भट्टराई सदस्य तोकिएका छन् ।

अतिथि सत्कार उपसमितिको संयोजन भने महासंघका पूर्व उपाध्यक्षहरुले गर्ने गरि जिम्मेवारी तोकिएको छ । यस उपसमितिमा डेकनाथ गौतम, राम ब। गुरुङ, डि।बी बस्नेत, सुर्य बहादुर थापा, सि।एन पाण्डे र डा। तिलचन्द्र भट्टराई रहेका छन् ।

यसैबीच, महासंघ मातहत प्रदेश, जिल्ला, स्थानीय संघ, बस्तुगत संगठन, कर्पोरेट परिषद र महिला उद्यमी परिषदले आ–आफ्नो संगठनको महाधिबेशन सम्पन्न गर्नुपर्ने समय अवधि पुरा भएर अधिबेशन सम्पन्न नभएकाको हकमा पmागुन १८ गते भित्र महाधिबेशन सम्पन्न गर्नपर्ने समयसीमा पनि सचिवालय बैठकले तोकेको छ ।

सबै वस्तुगत संगठन, प्रदेश, जिल्ला, स्थानीय, संघ, कर्पोरेट परिषद, केन्द्रीय आयोग, केन्द्रीय विभाग, केन्द्रीय स्तरमा बनेका समितिहरुले आफ्नो संगठनात्मक विवरण फागुन १९ भित्र महासंघमा पठाउनुपर्ने पनि महासंघले बताएको छ । यस्तै, वस्तुगत संगठन, प्रदेश, जिल्ला स्थानीय तह, कर्पोरेट परिषद र आयोग, विभागबाट चुनिएका प्रतिनिधिको विवरण फागुन २८ गते भित्र महासंघ केन्द्रीय कार्यालयमा पठाई सक्नुपर्ने र यो मितिमा विवरण नपठाएमा महासंघको महाधिबेशनमा प्रतिनिधिको रुपमा सहभागी हुन नपाइने समेत महासंघले जनाएको छ ।

यसअघि नवलपुरको गैंडाकोटमा बसेको महासंघको बसेको विस्तारित बैठकले चैतको ८ र ९ गते काठमाडौँमा महासंघको महाधिवेशन गर्ने मिति तोकिसकेको छ ।