काठमाडौं । नेपाली बजारमा सुनको मूल्य प्रतितोला १ लाख ६० हजार रुपैयाँ नाघेको छ । नेपाल सुनचाँदी व्यवसायी महासंघका अनुसार बिहीबार प्रतितोला १ लाख ५९ हजार ६ सय रुपैयाँमा कारोबार भईरहेको सुनको मूल्य आज बढेर प्रतितोला १ लाख ६० हजार ६ सय रुपैयाँ पुगेको हो ।

यसअनुसार आज सुनको मूल्य प्रतितोला १ हजारले बढेको हो । यस्तै आज चाँदीको मूल्य पनि प्रतितोला ५ रुपैयाँले बढेर १८ सय ९० रुपैयाँ कायम भएको छ । यसअघि बिहीबार चाँदी प्रतितोला १८ सय ८५ रुपैयाँमा कारोबार भईरहेको थियो ।