काठमाडौं । सन् २०२५ को पहिलो छ महिनाका लागि विश्वको सबैभन्दा शक्तिशाली पासपोर्टको वरियता सार्वजनिक भएको छ । प्रतिष्ठित संस्था हेन्ले एन्ड पार्टनर्स द्वारा प्रकाशित यो सूचकाङ्कले राहदानी वाहकले कुनै पनि भिसा बिना कति देशको भ्रमण गर्न सक्छ भन्ने आधारमा देशहरुका राहदानीलाई क्रमबद्ध गर्छ ।
हेन्ले पासपोर्ट इन्डेक्सका अनुसार सिंगापुरको राहदानी संसारको सबैभन्दा शक्तिशाली हो, जसले त्यहाँका नागरिकहरूलाई विश्वका १९५ देशहरूमा भिसा बिना यात्रा गर्न अनुमति दिन्छ । जापानको राहदानी संसारको सबैभन्दा शक्तिशाली पासपोर्टको हिसाबले दोस्रो स्थानमा छ । जापानी राहदानीले १९३ देशहरूमा भिसा फ्री यात्रा गर्न अनुमति दिन्छ । दक्षिण कोरिया, फ्रान्स, जर्मनी, इटाली, स्पेन र फिनल्याण्ड संयुक्तरूपमा तेस्रो स्थानमा छन् । तिनीहरूको राहदानीले १९२ देशहरूमा भिसा फ्री प्रवेश अनुमति दिन्छ ।
चौथो नम्बरमा अस्ट्रिया, डेनमार्क, आयरल्यान्ड, लक्जमबर्ग, नर्वे, स्वीडेन र नेदरल्यान्ड्स रहेका छन् जसको राहदानीमा १९१ देशले भिसा फ्री प्रवेश दिन्छन् । १९० देशहरूमा पहुँचसंगै बेल्जियम, पोर्चुगल, न्यूजील्याण्ड, स्विट्जरल्याण्ड र बेलायत संसारको सबैभन्दा शक्तिशाली पासपोर्टको सूचीमा शीर्ष पाँचमा छन् । अष्ट्रेलिया र ग्रीस छैटौं स्थानमा छन्, जसको राहदानीले १८९ देशहरूमा भिसामुक्त यात्रा गर्न अनुमति पाउँछ । क्यानडा, माल्टा र पोल्याण्ड भिसा फ्री यात्रा गर्ने १८८ देशहरूमा सातौं नम्बरमा छन् ।
दक्षिण एशियाको मुलुकको राहदानीको अवस्था निकै दयनीय छ । पाकिस्तान फेरि कमजोर राहदानी भएका देशको सूचीमा परेको छ । पाकिस्तानको राहदानी १०३ नम्बरमा छ । यो ध्यान दिन लायक छ कि गृहयुद्धमा फसेको अरब देश यमनको राहदानी पनि उही श्रेणीमा छ । पाकिस्तानी राहदानी भएका व्यक्तिले भिसा बिना मात्र ३३ देश घुम्न पाउँछन् । जसको पासपोर्ट पाकिस्तानभन्दा कमजोर छ, त्यसमा इराक (१०४औँ), सिरिया (१०५औँ) र अफगानिस्तान (१०६औँ) पर्छन् ।
सोमालिया, नेपाल, प्यालेस्टाइन र बंगलादेश पाकिस्तानभन्दा माथि छन् । नेपालको राहदानी यो सूचीमा १०१ औं स्थानमा परेको छ । नेपाली पासपोर्ट वाहकले ३९ वटा देशमा मात्र भिसा विना यात्रा गर्न सक्छन् । भुटानको पासपोर्ट यो सूचीमा ९० स्थानमा रहेको छ । सोमालियाको राहदानी विश्वमा १०२ औं स्थानमा छ । भारतको पासपोर्ट विश्वमा ८५ औं स्थानमा छ । भारतीय राहदानीमा विश्वका ५७ देशहरूमा भिसा फ्री यात्रा गर्न सकिन्छ । तर, गत वर्षको तुलनामा भारतको राहदानीको वरियतामा ५ अंकले गिरावट आएको छ ।
