काठमाडौं । लुम्बिनी लायन्स एनपीएलमा आफ्नो अन्तिम खेलमा कर्णालीसँग ५ रनले पराजित भएको छ । यससँगै लुम्बिनी एनपीएलकाे लिग चरणबाट बाहिरिएकाे छ । कर्णालीले १२८ रनको लक्ष्य निर्धारण गर्दा, लुम्बिनी १२३ रनमा सिमित रह्यो।
लुम्बिनीका लागि टम मुर्सले ३६ रनको योगदान गरे, जबकि कप्तान रोहितकुमार पौडेलले १० रन बनाए। कर्णालीका जिशान मक्सुदले २ विकेट लिए। यससँगै, लुम्बिनीले ७ खेलमा केवल १ जित र २ अंक प्राप्त गरेर प्रतियोगिता समाप्त गर्यो। सुदूरपश्चिम रोयल्स १० अंकसहित शीर्ष स्थानमा छ।
