जनकपुर । जनकपुर बोल्ट्सले नेपाल प्रिमियर लिग (एनपीएल) को प्लेअफमा स्थान बनाएको छ। बिहीबार काठमाडौँ गुर्खाजलाई ५ विकेटले पराजित गर्दै जनकपुरले यो उपलब्धि हासिल गरेको हो।
काठमाडौँले प्रस्तुत गरेको १०२ रनको लक्ष्य पछ्याएको जनकपुरले १५.५ ओभरमा ५ विकेट गुमाउँदै लक्ष्य पूरा गर्यो। त्यसअघि काठमाडौँ गुर्खाजले १९.३ ओभरमा अलआउट हुँदै १०१ रन बनाएको थियो।
यस जितसँगै जनकपुर बोल्ट्सले ६ खेलमा १० अंक जोड्दै तालिकाको शीर्ष स्थानमा उक्लिएको छ। काठमाडौँ गुर्खाज भने ५ खेलबाट ४ अंकसहित तालिकामा रहेको छ।
