काठमाडौं । नेपाल उद्योग वाणिज्य महासंघ (एफएनसिसिआई) को साधारणसभाले विधान संशोधन गरेको छ । ललितपुरमा आज भएको साधारणसभाले विधान संशोधन पारित गरेको हो ।
विधान संशोधनसँगै अब अध्यक्ष प्रत्यक्ष निर्वाचिच हुनेछ भने जिल्लालाई २ उपाध्यक्षको व्यवस्था गरिएको छ । यसैगरी कार्यकाल दुई वर्षको हुने व्यवस्था संशोनबाट गरिएको छ ।
अहिले वरिष्ठ उपाध्यक्ष रहेका अन्जन श्रेष्ठको कार्यकालपछि अध्यक्षमा प्रत्यक्ष निर्वाचन हुने व्यवस्था गरिएको छ । यस्तै एकजना वरिष्ठ उपाध्यक्ष, जिल्ला नगरमा दुई उपाध्यक्षसहित चारजना उपाध्यक्ष हुने व्यवस्था संशोधनले गरेको छ ।
महासंघमा विगतमा अध्यक्षमा प्रत्यक्ष निर्वाचन हुने व्यवस्था थियो । तर त्यसलाई संशोधन गरेर वरिष्ठ उपाध्यक्ष स्वत हुने गराइएको थियो भने अहिले पुन: अध्यक्षको निर्वाचन हुने नै व्यवस्था तय गरिएको हो ।
