काठमाडौं । नेपाली बजारमा आईतबार शुक्रबारको तुलनामा सुनको मुल्य प्रतितोला ४ सय रुपैयाँले घटेको छ । नेपाल सुनचाँदी व्यवसायी महासंघका अनुसार गत शुक्रबार प्रतितोला १ लाख ५० हजार १ सय रुपैयाँमा कारोबार भईरहेको सुनको मूल्य आज घट्दै प्रतितोला १ लाख ४९ हजार ७ सय रुपैयाँ कायम भएको हो ।
यस्तै आज चाँदीको मूल्य भने प्रतितोला २५ रुपैयाँले घट्दै १८ सय ६५ रुपैयाँ कायम भएको छ । यसअघि शुक्रबार नेपाली बजारमा चाँदी प्रतितोला १८ सय ९० रुपैयाँमा कारोबार भईरहेको थियो ।
