काठमाडौं । नेपाली बजारमा शुक्रबार सुनको मूल्य केहि ओरालो लागेको छ । नेपाल सुनचाँदी व्यवसायी महासंघका अनुसार बिहीबार प्रतितोला १ लाख ५० हजार ७ सय रुपैयाँमा कारोबार भईरहेको सुनको मूल्य आज घटेर प्रतितोला १ लाख ५० हजार १ सय रुपैयाँमा झरेको हो ।

यस्तै आज चाँदीको मूल्य भने प्रतितोला १० रुपैयाँले उकालो लाग्दै १८ सय ९० रुपैयाँ कायम भएको छ । यसअघि बिहीबार नेपाली बजारमा चाँदी प्रतितोला १८ सय ८० रुपैयाँमा कारोबार भईरहेको थियो ।