काठमाडौं । नेपालकी पुष्पा बस्नेत सीएनएन ‘सुपर हिरो’ बनेकी छिन् । सीएनएन हिरो बस्नेत अन्य चार जनालाई पछि पार्दै सुपर हिरो बनेकी हुन् ।
उनले २००८ की लीज म्याककार्टनी, २००९ का इफरिन फेनाफ्रलोरिडा,२००१ की रोविन लिम र सन् २०१३ का चाड प्रिजेकलाई पछि पारेकी हुन् ।
सीएनएनले अवार्ड वितरण गरेको १० बर्ष पुगेको अवसरमा अवार्ड विजेताहरुमध्येबाट सुपर हिरो छानेको हो । पुष्पाले २०१२मा सीएनएन हिरो अवार्ड प्राप्त गरेकी थिइन् । उनलाई न्युयोर्कमा आयोजीत कार्यक्रममा सो अवार्ड प्रदान गरिएको हो ।
हाल उनी प्रारम्भिक बाल विकास केन्द्र र पुतली घर नामक संस्थामा संस्थापक अध्यक्ष छिन् ।