काठमाडौं । नेपाली बजारमा बिहीबार सुनको मूल्य प्रतितोला १ हजार रुपैयाँले बढेको छ । नेपाल सुनचाँदी व्यवसायी महासंघका अनुसार यसअघि बुधबार प्रतितोला १ लाख ६३ हजार रुपैयाँमा कारोबार भईरहेको सुनको मूल्य आज बढ्दै प्रतितोला १ लाख ६४ हजार रुपैयाँ पुगेको हो ।

आज चाँदीको मूल्य भने स्थिर रहेको महासंघले जानकारी दिएको छ । महासंघका अनुसार बुधबार र बिहीबार चाँदी समान प्रतितोला १९ सय ५० रुपैयाँमा कारोबार भईरहेको छ ।