काठमाडौं । चालु आर्थिक बर्षको ३ महिनासम्म नेपालको सेवा आय २३ अर्ब बढीले घाटामा रहको छ । नेपाल राष्ट्र बैंकले सार्वजनिक गरेको मासिक तथ्यांक अनुसार चालु आवको असोजसम्म सेवा आय २३ अर्ब २९ करोडले घाटामा रहेको छ । गत आर्थिक बर्षको सोही अवधिमा खुद सेवा आय २९ अर्ब ३९ करोडले घाटामा रहेको थियो ।

सेवा खाता अन्तर्गत समीक्षा अवधिमा भ्रमaण आय ३.५ प्रतिशतले वृद्धि भई १७ अर्ब ७२ करोड पुगेको छ । गत वर्षको सोही अवधिमा यस्तो आय १७ अर्ब १३ करोड रहेको थियो ।

चालु आवको यस अवधिसम्म सेवा खाता अन्तर्गत भ्रमण व्यय ७.७ प्रतिशतले वृद्धि भई ५५ अर्ब ७८ करोड पुगेको छ । यसमध्ये शिक्षातर्पको व्यय ३२ अर्ब १८ करोड रहेको छ । अघिल्लो वर्षको सोही अवधिमा भ्रमण व्यय ५१ अर्ब ८० करोड रहेकोमा शिक्षातर्फको व्यय ३२ अर्ब ९२ करोड रहेको थियो ।