काठमाडौं । सोमबार नेपाली बजारमा सुनको मूल्य प्रतितोला १ हजार रुपैयाँले बढेको छ । नेपाल सुनचाँदी व्यवसायी महासंघका अनुसार आईतबार प्रतितोला १ लाख ६० हजार रुपैयाँमा कारोबार भईरहेको सुनको मूल्य आज बढ्दै प्रतितोला १ लाख ६१ हजार रुपैयाँ कायम भएको हो ।

यस्तै आज चाँदीको मूल्य पनि प्रतितोला १५ रुपैयाँले बढेर १९ सय २० रुपैयाँ पुगेको छ । यसअघि आईतबार चाँदी प्रतितोला १९ सय ५ रुपैयाँमा कारोबार भईरहेको थियो ।