काठमाडौं । पछिल्लो समय सुनको मूल्य लगातार ओरालो लागिरहेको छ । नेपाल सुनचाँदी व्यवसायी महासंघका अनुसार मंगलबार नेपाली बजारमा सुनको मूल्य प्रतितोला २ हजार ४ सय रुपैयाँले घटेको हो ।

महासंघका अनुसार सोमबार प्रतितोला १ लाख ६५ हजार रुपैयाँमा कारोबार भईरहेको सुनको मूल्य आज घट्दै प्रतितोला १ लाख ६२ हजार ६ सयमा झरेको हो ।

यस्तै आज चाँदीको मूल्य पनि प्रतितोला ३० रुपैयाँले घट्दै १९ सय २५ रुपैयाँ कायम भएको छ । यसअघि सोमबार नेपाली बजारमा चाँदी प्रतितोला १९ सय ५५ रुपैयाँमा कारोबार भईरहेको थियो ।