काठमाडौं । यती एयरलाइन्सले मंगलबारदेखि भैरहवा–पोखरा–भैरहवा उडान गर्ने भएको छ । यतीले यो गन्तव्यमा दैनिक उडान गर्न लागेको हो । भैरहवा–पोखराको उडान समय ११ः०५ बजे र पोखरा–भैरहवाको उडान समय ११ः४५ बजे रहेको छ ।
हाललाई एकतर्फी हवाई भाडा दुई हजार पाँच सय रहेको एयरलाइन्सले जनाएको छ । गौतमबुद्ध अन्तर्राष्ट्रिय विमानस्थलमा यात्रुको संख्या वृद्धि गर्न टेवा पुर्याउने उद्देश्यले भैरहवा–पोखरा प्रत्यक्ष उडान सुरू गरेको कम्पनीको भनाइ छ ।
