काठमाडौं । नेपाली बजारमा सुनको मूल्य मंगलबार पनि उकालो लागेको छ । पछिल्लो समय लगातार उकालो लागिरहेको सुनको मूल्य आज पुनः प्रतितोला ३ सय रुपैयाँले उकालो लागेको हो ।

नेपाल सुनचाँदी व्यवसायी महासंघका अनुसार सोमबार प्रतितोला १ लाख ६५ हजार ६ सय रुपैयाँमा कारोबार भईरहेको सुनको मूल्य आज बढेर प्रतितोला १ लाख ६५ हजार ९ सय रुपैयाँ पुगेको हो ।

यस्तै आज चाँदीको मूल्य पनि बढेर प्रतितोला २१ सय रुपैयाँ पुगेको छ । यसअघि नेपाली बजारमा सोमबार चाँदी प्रतितोला २१ सय ९५ रुपैयाँमा कारोबार भईरहेको थियो ।