काठमाडौं । कुन कम्पनीले भारतीय बजारमा सबैभन्दा बढी मोटरसाइकल बेच्छ ? त्यसको जवाफ पक्कै पनि हिरो मोटोकर्प हो । गत सेप्टेम्बरमा हिरो मोटोकर्पले हलचल सिर्जना गर्यो । चाडपर्वको सिजन सुरु हुनैलाग्दा सेप्टेम्बरमा ६३७,०५० इकाइ दुई पाङ्ग्रे सवारीसाधन बिक्री भएको थियो, जुन आन्तरिक बजार बिक्री र निर्यातको मिश्रण हो ।
अर्थात हिरो मोटोकर्पले गत महिना देश र विश्वमा दैनिक २१ हजार २ सय ३३ मोटरसाइकल र स्कुटर बिक्री गरेको थियो । हिरो मोटोकर्पको बिक्री प्रतिवेदनमा भएको वार्षिक वृद्धि १९ प्रतिशतले बढी हो । सेप्टेम्बर २०२३ मा, हिरो मोटोकर्पले देशभरका डिलरहरूलाई दुईपाङ्ग्रे सवारीका ५,३६,४९९ इकाइहरू पठाएको थियो ।
गत महिना भारतीय बजारमा हिरो मोटोकर्पको बिक्री र निर्यातको तथ्याङ्क हेर्दा कम्पनीले भारतीय बजारमा ६ लाख १६ हजार ७०६ दुईपाङ्ग्रे सवारी साधन डिलरलाई पठाएको थियो भने २० हजार ३ सय ४४ बाइक र स्कुटर निर्यात गरिएको थियो ।
हिरोले सेप्टेम्बर २०२४ मा ५९७,५२९ मोटरसाइकल र ३९२५१ स्कुटरहरू बेचेको थियो, अर्थात् कुल संख्या ६३७,०५० इकाई थियो । हिरो मोटोकर्पले यो आर्थिक वर्ष अप्रिल र सेप्टेम्बरको बीचमा देश र विश्वमा ३,०५४,८४० दुईपाङ्ग्रे सवारीसाधन बिक्री गरेको छ, जुन एक वर्षअघिको तथ्यांकको तुलनामा १० प्रतिशत बढी हो ।
हिरो मोटोकर्प भारतीय बजारमा १०० सीसी देखि १२५ सीसी सम्मको मोटरसाइकल सेगमेन्टमा उत्कृष्ट स्थितिमा छ । हिरो स्प्लेन्डर प्लस बाइक सेग्मेन्टमा बलियो छ । कम्पनीले शक्तिशाली बाइक प्रेमीहरूलाई माभेरिक ४४० को रूपमा राम्रो विकल्प पनि दिएको छ ।
साथै, हिरो डेस्टिनीलाई गत महिना नयाँ अवतारमा लन्च गरेर कम्पनीले स्कुटर क्षेत्रमा आफ्नो स्थिति बलियो बनाउने प्रयास गरेको छ । आगामी महिमा हिरोको लागि एकदमै विशेष रहनेछ जहाँ यसले चाडपर्वको मौसममा अफरहरू घोषणा गर्दै ग्राहकहरूलाई आकर्षित गरिरहेको छ ।
