काठमाडौं । पछिल्लो समय नेपाली बजारमा सुनको मूल्य लगातार ओरालो लागिरहेको छ । अघिल्लो हप्ता हालसम्मकै उच्च विन्दुमा पुगेको सुनको मूल्य यो हप्ताको दुबैदिन घटेर प्रतितोला १ लाख ५२ हजार रुपैयाँमा सीमित भएको हो ।

नेपाल सुनचाँदी व्यवसायी महासंघका अनुसार आईतबार १ लाख ५२ हजार ३ सय रुपैयाँमा कारोबार भईरहेको सुनको मूल्य आज ३ सय रुपैयाँले घटेको हो । यस्तै आज चाँदीको मूल्य पनि प्रतितोला २० रुपैयाँले घटेको छ ।

यसअघि आईतबार प्रतितोला १७ सय ९५ रुपैयाँमा कारोबार भईरहेको चाँदी आज घटेर प्रतितोला १७ सय ७५ रुपैयाँमा झरेको हो ।