काठमाडौं । शुक्रबार नेपाली बजारमा सुनको मुल्य प्रतितोला ३ सय रुपैयाँले ओरालो लागेको छ । नेपाल सुनचाँदी व्यवसायी महासंघका अनुसार बिहीबार प्रतितोला १ लाख ४५ हजार रुपैयाँमा कारोबार भईरहेको सुनको मूल्य आज घट्दै प्रतितोला १ लाख ४४ हजार ७ सय रुपैयाँमा झरेको हो ।
शुक्रबार नेपाली बजारमा चाँदीको मूल्य पनि प्रतितोला २० रुपैयाँले घटेको छ । महासंघका अनुसार बिहीबार प्रतितोला १७ सय ५० रुपैयाँमा कारोबार भईरहेको चाँदीको मूल्य आज घट्दै प्रतिततोला १७ सय ३० रुपैयाँमा झरेको हो ।
